Microsoft dënohet me 290 milionë dollarë Gjykata amerikane e apelit ka vërtetuar vendimin me të cilin softueri gjigant amerikan Microsoft është dënuar me 290 milionë dollarë për shkak të shfrytëzimit të paligjshëm të patentave të huaja në zgjidhjet e tij për dosjet XML. Gjykata ka urdhëruar Microsoftin q ë prej 11 janarit 2010 të ndërpres shitjen e të gjitha programeve Word të cilat përmbajnë kodin e përmendur, njoftojnë agjencitë botërore.
Me këtë është konfirmuar vendimi i gjykatës nga Teksasi i cili është marrë në muajin gusht, ku thuhej se Microsoft në programin e tij Word përdorte në mënyrë të paligjshme patentat e kompanisë kanadeze i4i Inc.
Gjykata teksasiane ka vërtetuar se me produktet e saj të kontestuara Microsoft ka rrëmbyer 80 për qind të tregjeve HTML, duke shtyrë kështu kompaninë i4i të ndryshojë strategjinë e vet të afarizmit.
Microsoft nuk ka reaguar ende ndaj këtij vendimi, mirëpo ekspertët presin që ky gjigant softuerik do të provojë të arrijë marrëveshje me kompaninë i4i dhe do ‘i ofrojë asaj pagesën për licencë për të vazhduar të përdorë patentën.
Microsoft dënohet me 290 milionë dollarë 
