Nintendo Zii së shpejti Konzola e lojërave Wii e Nintendos muajin e kaluar i ka mbushur tri vjet dhe është krejtësisht e logjikshme që në kompani të ndërmarrin hapa të caktuar. Hapi i radhës do të mund të ishte paraqitja e konzolës së lojërave me emërtimin Zii. Nintendo në Japoni e ka mbrojtur me sukses emërtimin Zii, pasi që ai i është miratuar më 30 tetor, e tek tani ka arritur lajmi se ai ka përfunduar në bazat patentuese japoneze. Se çfarë planifikon me këtë emër Nintendo, tani për tani mbetet e panjohur.
Nintendo Wii në mesin e muajit të kaluar i ka mbushur tri vjet prej paraqitjes në treg, e deri më tani është shitur në gjithsej 56.14 milionë njësi dhe aktualisht është konzola më e shitur e lojërave e gjeneratës së vet.
Thashethemet e mëhershme kanë theksuar se Nintendo do të paraqes konzolën Wii në variantin HD (High Definition), mirëpo me regjistrimin e para pak kohe të emërtimit Zii planet e Nintendos bëhen edhe më të paqarta.
Nintendo Zii së shpejti 
